舊區裡頭，有間茶餐廳，茶餐廳裡頭有件經理叫鴨腳紮，仲有一班街坊......有一晚 (正是您身處當晚)，查氏大哥 (由二奶所生) 誓要等素未謀面的查氏長子 (由大婆所生) 講數，想吞併茶餐廳；還企圖 call 齊其餘九兄弟姊妹 (都係二奶所生) 到茶餐廳開會，要拉攏大家一齊賣掉十條街的物業，以求高價賣給發展商重建......但神秘長子不肯現身，而兄弟姊妹各有堅持，不肯妥協。茶餐廳經理變成磨心；而觀眾，啊唔係，應該係各位街坊，亦捲入風波當中......